2026 йилги Жаҳон чемпионати саралаш босқичида Австрия ва Кипр терма жамоалари ўртасидаги ўйин иккинчи таймда тўхтатилди. Сабаби, Австрия жамоасининг жарима майдони яқинида чуқур пайдо бўлган эди - шунчалик каттаки, футболчилар унга яқинлашиб, тўпиқларигача бемалол оёқларини тиқишган! Албатта, майдоннинг бундай нуқсони билан ўйнаш хавфли эди, чунки ўйинчи югуриб кетаётиб бундай чуқурга оёғи тушиб қолса, жиддий жароҳат олиши мумкин эди.

Шундай қилиб, ўйин давом эттирилишидан олдин Австрия стадиони ходимлари майдонни тартибга келтиришга мажбур бўлишди. Бу воқеа 1:0 ҳисобида рўй берди - Австрия Марсель Забицернинг пенальтидан урган голидан сўнг ҳисобда олдинда эди.