Saudiya Arabistonining "Ash-SHabab" klubi vingeri Yannik Karrasko "Beshiktosh" qiziqishlar doirasiga kirib qoldi. Turkiya klubi 32 yoshli futbolchini joriy transfer oynasida o‘z safiga qo‘shib olish imkoniyatini ko‘rib chiqmoqda (Turkiyada u hali ochiq), deb xabar bermoqda jurnalist Santi Auna. Belgiyalik bilan muzokaralar boshlangan.
Yannik Karrasko Madridning "Atletiko" klubidagi o‘yinlari bilan mashhur bo‘lib, 2023 yilda klubni tark etgan. "Matraschilar" sobiq futbolchisining "Ash-SHabab" bilan amaldagi shartnomasi 2027 yilning yarmigacha mo‘ljallangan bo‘lib, uning transfer narxi mashhur Transfermarkt portali ekspertlari bahosiga ko‘ra, 7 mln yevroni tashkil etadi.
