Insayder Fabrisio Romano "Real"ning "Liverpul" markaziy himoyachisi Ibrahima Konatega qiziqishi haqida ma’lumot berdi.
O‘tgan yozda “qaymoqranglilar” fransiyalik futbolchini qo‘lga kiritish haqida o‘ylashdi, biroq “qizillar” futbolchini qo‘yib yuborishdan bosh tortishdi.
Konatening shartnomasi kelasi yilning o‘rtalarida tugaydi, bundan "Real" ham foydalansa kerak. Romanoning so‘zlariga ko‘ra, ispan grandi futbolchiga qiziqishda davom etmoqda va uni kelasi yil uchun asosiy transfer maqsadlaridan biri deb biladi.
Ammo transfer faqat markaziy himoyachi "Liverpul" bilan shartnomasini uzaytirmasagina amalga oshadi. Mersisaydliklar rahbariyati Konate bilan yangi kelishuvni muhokama qilishda davom etmoqda. Tomonlar o‘rtasidagi muzokaralar uzoq vaqtdan beri davom etmoqda, biroq hali muvaffaqiyatli natijaga olib kelmagan.
