Инсайдер Фабрицио Романо "Реал"нинг "Ливерпуль" марказий ҳимоячиси Ибраҳима Конатега қизиқиши ҳақида маълумот берди.
Ўтган ёзда “қаймоқранглилар” франциялик футболчини қўлга киритиш ҳақида ўйлашди, бироқ “қизиллар” футболчини қўйиб юборишдан бош тортишди.
Конатенинг шартномаси келаси йилнинг ўрталарида тугайди, бундан "Реал" ҳам фойдаланса керак. Романонинг сўзларига кўра, испан гранди футболчига қизиқишда давом этмоқда ва уни келаси йил учун асосий трансфер мақсадларидан бири деб билади.
Аммо трансфер фақат марказий ҳимоячи "Ливерпуль" билан шартномасини узайтирмасагина амалга ошади. Мерсисайдликлар раҳбарияти Конате билан янги келишувни муҳокама қилишда давом этмоқда. Томонлар ўртасидаги музокаралар узоқ вақтдан бери давом этмоқда, бироқ ҳали муваффақиятли натижага олиб келмаган.
