Samarqand shahrida shaxmat bo‘yicha FIDE Grand Swiss va FIDE Women’s Grand Swiss musobaqasi doirasida 4-tur bahslari bo‘lib o‘tdi.

Erkaklar o‘rtasidagi bahslarda 9 nafar hamyurtimizlar orasida faqat Nodirbek Yoqubboyev g‘alaba qozondi. O‘zbekistonning birinchi raqamli shaxmatchisi Nodirbek Abdusattorov esa 3-turdan so‘ng peshqadam bo‘lib turgan Parxam Maqsudlu (Eron)ga qarshi qora donalarda o‘ynab, durangga imzo chekdi.

Nodirbek Abdusattorov 3 ochko bilan 8-pog‘onani egallab turgan bo‘lsa, Yoqubboyev shuncha ball bilan 13-pog‘onani band etgan.

Qizlar orasida esa Afruza Hamdamova AQSHlik kuchli shaxmatchi Irina Krushga qarshi o‘yinning debyut qismidayoq raqibning bir sipoxini yutib oldi hamda bahsda g‘alabani qo‘lga kiritdi. Ushbu g‘alaba tufayli Afruza o‘z ochkolarini 3 taga yetkazib, jadvalda 5-o‘ringa ko‘tarilib oldi. Shuningdek, Umida Omonova ham kecha g‘alaba nashidasini surdi. U gruziliyalik Meri Arabidzeni taslim etdi.

FIDE Grand Swiss 2025 — 4-tur natijalari (O‘zbekiston vakillari)

Erkaklar (Open):

Nodirbek Abdusattorov — Parham Maqsudlu (Eron) - 0,5:0,5
Javohir Sindarov — Daniyel Darda (Belgiya) - 0,5:0,5
Nodirbek Yakubboyev — Yuriy Kuzubov (Ukraina) - 1:0
Shamsiddin Vohidov — Igor Samunenkov (Ukraina) - 0,5:0,5
Muhiddin Madaminov — Shant Sargsyan (Armaniston) - 0:1
Jahongir Vohidov - Aleksandr Injich (Serbiya) - 0:1
Abdumalik Abdusalimov — Velimir Ivich (Serbiya) - 0:1
Ortiq Nig‘matov — Nikolo Teodorou (Gresiya) - 0:1
Muhammadzohid Suyarov — Ediz Gurel (Turkiya) - 0,5:0,5

Ayollar (Women’s):

Gulruhbegim Tohirjonova — Yuliya Osmak (Ukraina) - 0,5:0,5
Guldona Karimova — Antoaneta Stefanova (Bolgariya) - 0:1
Afruza Hamdamova — Irina Krush (AQSH) - 1:0
Umida Omonova — Meri Arabidze (Gruziya) - 1:0
Madinabonu Xalilova — Kseniya Balabayeva (Qozog‘iston) - 0,5:0,5

Musobaqada bugun 5-tur o‘yinlari bo‘lib o‘tadi.

Erkaklar (Open):

Nodirbek Abdusattorov — Yagiz Kaan Erdogmush (Turkiya)
Javohir Sindarov — Aleksandra Goryachkina (Rossiya)
Nodirbek Yakubboyev — Shimon Gumularz (Polsha)
Shamsiddin Vohidov — Divya Deshmux (Hindiston)
Muhiddin Madaminov — Gabriyel Sargisyan (Armaniston)
Jahongir Vohidov - Amin Bassim (Misr)
Abdumalik Abdusalimov — Muhammad Muradli (Ozarboyjon)
Ortiq Nig‘matov — Aleksey Sarana (Serbiya)
Muhammadzohid Suyarov — David Anton Guiyarro (Ispaniya)

Ayollar (Women’s):

Gulruhbegim Tohirjonova — Yuliya Osmak (Ukraina)
Guldona Karimova — May Narva (Estoniya)
Afruza Hamdamova — Antoaneta Stefanova (Bolgariya)
Umida Omonova — Joka Gaal (Vengriya)
Madinabonu Xalilova — Marsel Efroimski (Isroil)