Londonning "Arsenal" klubi "Real" yarim himoyachisi Arda Gyulerga da’vogarlik qilayotgan edi.

"To‘pchilar" turkiyalik yulduzni o‘tgan yilning oktyabr-noyabr oylarida o‘z safiga qo‘shib olish haqida jiddiy o‘ylagandi, deya xabar beradi insayder Fabrisio Romano. Agar Karlo Anchelotti "Real"dagi faoliyatini davom ettirganda, londonliklar Gyulerni shu yilning yozida taklif qilishi mumkin edi.

Italiyalik mutaxassis 20 yoshli futbolchiga unchalik ishonmasdi, ammo Xabi Alonso davrida xavbek muntazam ravishda asosiy tarkibda o‘ynay boshladi.

Arda Gyulerning "qaymoqranglilar" bilan shartnomasi 2029 yilgacha mo‘ljallangan.