Лондоннинг "Арсенал" клуби "Реал" ярим ҳимоячиси Арда Гюлерга даъвогарлик қилаётган эди.
"Тўпчилар" туркиялик юлдузни ўтган йилнинг октябрь-ноябрь ойларида ўз сафига қўшиб олиш ҳақида жиддий ўйлаганди, дея хабар беради инсайдер Фабрицио Романо. Агар Карло Анчелотти "Реал"даги фаолиятини давом эттирганда, лондонликлар Гюлерни шу йилнинг ёзида таклиф қилиши мумкин эди.
Италиялик мутахассис 20 ёшли футболчига унчалик ишонмасди, аммо Хаби Алонсо даврида хавбек мунтазам равишда асосий таркибда ўйнай бошлади.
Арда Гюлернинг "қаймоқранглилар" билан шартномаси 2029 йилгача мўлжалланган.













