Ayni paytda o‘z vatanida "Rosario Sentral" klubida to‘p surayotgan hujumkor yarim himoyachi Anxel di Mariya Argentina terma jamoasi ustozi Lionel Skaloni haqida fikr bildirdi.
"Skaloni bilan umrbod shartnoma imzolash kerak. Bu uning jamoa bilan erishgan yutuqlari uchun mukofot bo‘ladi. Umid qilamizki, bu mutaxassis hali uzoq vaqt ishlaydi," - deya tajribali futbolchining so‘zlarini keltiradi Tyc Sports.
Skaloni qo‘l ostida Argentina terma jamoasi 2022 yilda jahon chempioni bo‘ldi. Bundan tashqari, mutaxassis ikki marta "albiseleste"ni Amerika Kubogida zafar quchishga olib kelgan.













