Madridning "Real" klubi sobiq bosh murabbiyi Zinedin Zidan matbuotda paydo bo‘lgan ma’lumotlarga qaramay, Istanbulning "Fenerbaxche" klubida ishlamaydi.
Mundo Deportivo jurnalistlariga ma’lum bo‘lishicha, fransiyalik mutaxassis faoliyatini davom ettirishning bunday variantini ko‘rib chiqmayapti. "Zizu" Fransiya terma jamoasida ishlashni maqsad qilgan.
Zinedin "Real"da muvaffaqiyatli ishlagan. Fransiyalik mutaxassis qo‘l ostida "qirollik klubi" ketma-ket uch marta YECHLda chempionlik unvonini qo‘lga kiritdi, shuningdek, La Ligada oltin medallar sohibiga aylandi.
Eslatib o‘tamiz, avvalroq portugaliyalik Joze Mourinyo "Fenerbaxche" boshqaruvidan iste’foga chiqarilgani ma’lum qilingandi.
