Мадриднинг "Реал" клуби собиқ бош мураббийи Зинедин Зидан матбуотда пайдо бўлган маълумотларга қарамай, Истанбулнинг "Фенербахче" клубида ишламайди.
Mundo Deportivo журналистларига маълум бўлишича, франциялик мутахассис фаолиятини давом эттиришнинг бундай вариантини кўриб чиқмаяпти. "Зизу" Франция терма жамоасида ишлашни мақсад қилган.
Зинедин "Реал"да муваффақиятли ишлаган. Франциялик мутахассис қўл остида "қироллик клуби" кетма-кет уч марта ЕЧЛда чемпионлик унвонини қўлга киритди, шунингдек, Ла Лигада олтин медаллар соҳибига айланди.
Эслатиб ўтамиз, аввалроқ португалиялик Жозе Моуриньо "Фенербахче" бошқарувидан истеъфога чиқарилгани маълум қилинганди.













