Darvozabon Matyo Patuye Fransiyaning "Lion" klubidan Saudiya Arabistonining "Al-Hilol" klubiga o‘tmoqda. Bu haqda jamoa rasmiy sayti xabar bermoqda.
E’lon qilingan ma’lumotlarga ko‘ra, yaqindagina eng umidli tarbiyalanuvchilardan biri hisoblangan futbolchi 342 ming yevro evaziga jamoasini o‘zgartirgan. Shuningdek, "Lion" keyingi qayta sotuvning 20 foizini oladi.
Voqea yuzasidan ijtimoiy tarmoqlarda izoh qoldirayotgan "Lion" muxlislarining ta’kidlashicha, Patuye shartnomani uzaytirish niyatida bo‘lmaganiga qaramay, bunday sotuvni sovg‘a deb atash mumkin.
