"Liverpul" qishda "Kristal Pelas" himoyachisi Mark Gexini sotib olmaslikka qaror qildi. Bu haqda The Telegraph xabar bermoqda.
Avvalroq "Liverpul" Angliya terma jamoasi futbolchisining transferi tez orada amalga oshishi uchun 29 million yevro to‘lashga tayyor bo‘lgan bo‘lsa, endi vaziyat o‘zgardi.
Futbolchi bilan muzokaralar olib borishga ruxsat olgach, "Liverpul" vakillari Gexi o‘z kelajagini aynan "Enfild"da ko‘rayotgani, shuning uchun boshqa klublardan kimdir uni o‘z tomoniga og‘dirib olishidan qo‘rqmaslik kerak, degan xulosaga kelishdi. U yozda erkin agent sifatida jamoasini o‘zgartiradi.
