Portugaliyaning "Benfika" klubi forvardi Vangelis Pavlidis transfer oynasining so‘nggi kunida jamoani tark etishiga bir baxya qolgan edi. Bu haqda A Bola xabar bermoqda.
Gresiyalik futbolchining shartnomasida 100 million yevro tovon puli ko‘zda tutilgan va so‘nggi pallada ushbu banddan foydalanmoqchi bo‘lgan klub paydo bo‘lgan.
"Taklif bor edi, lekin men buni prezidentga qoldiraman, u xohlasa aytadi. U juda katta edi, biz bu bozorda eng katta savdoni amalga oshirishimiz mumkin edi. Biroq oxirgi kuni buning ma’nosi yo‘q edi. Biz takliflarga yopiq edik," - dedi "Benfika" moliyaviy direktori Nunu Katarina.
O‘tgan mavsumda 26 yoshli Pavlidis klub miqyosida 57 ta o‘yinda 30 ta gol urdi va 13 ta golli uzatmani amalga oshirdi.
