Португалиянинг "Бенфика" клуби форварди Вангелис Павлидис трансфер ойнасининг сўнгги кунида жамоани тарк этишига бир бахя қолган эди. Бу ҳақда A Bola хабар бермоқда.
Грециялик футболчининг шартномасида 100 миллион евро товон пули кўзда тутилган ва сўнгги паллада ушбу банддан фойдаланмоқчи бўлган клуб пайдо бўлган.
"Таклиф бор эди, лекин мен буни президентга қолдираман, у хоҳласа айтади. У жуда катта эди, биз бу бозорда энг катта савдони амалга оширишимиз мумкин эди. Бироқ охирги куни бунинг маъноси йўқ эди. Биз таклифларга ёпиқ эдик," - деди "Бенфика" молиявий директори Нуну Катарина.
Ўтган мавсумда 26 ёшли Павлидис клуб миқёсида 57 та ўйинда 30 та гол урди ва 13 та голли узатмани амалга оширди.
