Saudiya Arabistonining "Al-Hilol" klubi hujumchisi Markos Leonardo "Zenit"ga o‘tish haqida o‘ylayotgan edi. "Evro-Futbol"ga ma’lum bo‘lishicha, futbolchining vositachilari uning xizmatlarini Piter klubiga o‘zlari taklif qilgan, biroq rad javobini olgan.
Futbolchining o‘zi faoliyatini Sankt-Peterburgda davom ettirishga qarshi emasdi.
Avvalroq, SSKA 22 yoshli braziliyalik futbolchi uchun 25 mln yevro taklif qilgani, ammo "Al-Hilol" uni "harbiylar"ga sotishdan bosh tortgani xabar qilingandi.
2024 yilda Saudiya Arabistoni klubiga o‘tganidan so‘ng, Markos Leonardo 46 ta o‘yinda 30 ta gol urdi.
Uning "Al-Hilol" bilan amaldagi shartnomasi 2029 yilning 30 iyuniga qadar imzolangan.
