Саудия Арабистонининг "Ал-Ҳилол" клуби ҳужумчиси Маркос Леонардо "Зенит"га ўтиш ҳақида ўйлаётган эди. "Евро-Футбол"га маълум бўлишича, футболчининг воситачилари унинг хизматларини Питер клубига ўзлари таклиф қилган, бироқ рад жавобини олган.

Футболчининг ўзи фаолиятини Санкт-Петербургда давом эттиришга қарши эмасди.

Аввалроқ, ЦСКА 22 ёшли бразилиялик футболчи учун 25 млн евро таклиф қилгани, аммо "Ал-Ҳилол" уни "ҳарбийлар"га сотишдан бош тортгани хабар қилинганди.

2024 йилда Саудия Арабистони клубига ўтганидан сўнг, Маркос Леонардо 46 та ўйинда 30 та гол урди.

Унинг "Ал-Ҳилол" билан амалдаги шартномаси 2029 йилнинг 30 июнига қадар имзоланган.