10 sentyabr, chorshanba kuni Portugaliya futbolining Liga Portugal Awards musobaqasida 2024/25-yilgi mavsum yakunlari bo‘yicha o‘tkazilgan taqdirlash marosimida Portugaliya terma jamoasining sobiq futbolchilari Luish Nani va Rikardo Kuarejma maxsus "Shon-sharaf" mukofotiga sazovor bo‘ldi.
"Faqat noyob futbolchiga munosib bo‘lgan o‘ziga xos uslub. Rikardo Kuarejma "Shon-sharaf zali" mukofotiga sazovor bo‘ldi. Tabriklaymiz," - deb yozadi liga matbuot xizmati.
41 yoshli Kuarejma faoliyatini 2022 yilda yakunlagan. Portugaliya chempionatida u "Sporting," "Portu" va "Vitoriya Gimaraes" klublarida o‘ynagan. Shuningdek, u "Chelsi," "Inter," "Barselona," "Beshiktosh" va "Qosimposho" klublarida ham o‘ynagan.
"Buyuk karyera tarixida abadiy qoladigan salto. Nani "Shon-sharaf zali" mukofotini oldi. Tabriklaymiz," - deya Nani uchun mukofotni e’lon qildi liga matbuot xizmati.
38 yoshli Nani o‘tgan yili faoliyatini yakunlagan edi. Portugaliyada u "Sporting" va "Estrelo"da o‘ynagan. Vatanidan tashqarida u "Manchester Yunayted," "Valensiya," "Venesiya," "Orlando Siti," "Lasio," "Fenerbaxche," "Melburn" va "Adana Demirspor" klublarida o‘ynagan.
