10 сентябрь, чоршанба куни Португалия футболининг Liga Portugal Awards мусобақасида 2024/25-йилги мавсум якунлари бўйича ўтказилган тақдирлаш маросимида Португалия терма жамоасининг собиқ футболчилари Луиш Нани ва Рикардо Куарежма махсус "Шон-шараф" мукофотига сазовор бўлди.
"Фақат ноёб футболчига муносиб бўлган ўзига хос услуб. Рикардо Куарежма "Шон-шараф зали" мукофотига сазовор бўлди. Табриклаймиз," - деб ёзади лига матбуот хизмати.
41 ёшли Куарежма фаолиятини 2022 йилда якунлаган. Португалия чемпионатида у "Спортинг," "Порту" ва "Витория Гимараэс" клубларида ўйнаган. Шунингдек, у "Челси," "Интер," "Барселона," "Бешиктош" ва "Қосимпошо" клубларида ҳам ўйнаган.
"Буюк карьера тарихида абадий қоладиган сальто. Нани "Шон-шараф зали" мукофотини олди. Табриклаймиз," - дея Нани учун мукофотни эълон қилди лига матбуот хизмати.
38 ёшли Нани ўтган йили фаолиятини якунлаган эди. Португалияда у "Спортинг" ва "Эстрело"да ўйнаган. Ватанидан ташқарида у "Манчестер Юнайтед," "Валенсия," "Венеция," "Орландо Сити," "Лацио," "Фенербахче," "Мельбурн" ва "Адана Демирспор" клубларида ўйнаган.
