"Liverpul" markaziy himoyachisi Ibraima Konate kelajagi borasida hali bir qarorga kelgani yo‘q. Bu haqda jurnalist Lyuis Stil xabar bermoqda.
Avvalroq Konate "Liverpul" bilan kelasi yil yozda tugaydigan mehnat shartnomasini uzaytirmoqchi emasligi haqida xabarlar tarqalgan edi.
Manbaga ko‘ra, 26 yoshli fransuz mersisaydliklar rahbariyatiga jamoani tark etish istagini bildirmagan. Ta’kidlanishicha, futbolchi hali unga qiziqish bildirayotgan "Real"ga o‘tish-o‘tmasligini hal qilmagan.
Konate 2021 yildan beri "Liverpul" sharafini himoya qilmoqda.
