"Ливерпуль" марказий ҳимоячиси Ибраима Конате келажаги борасида ҳали бир қарорга келгани йўқ. Бу ҳақда журналист Льюис Стиль хабар бермоқда.
Аввалроқ Конате "Ливерпуль" билан келаси йил ёзда тугайдиган меҳнат шартномасини узайтирмоқчи эмаслиги ҳақида хабарлар тарқалган эди.
Манбага кўра, 26 ёшли француз мерсисайдликлар раҳбариятига жамоани тарк этиш истагини билдирмаган. Таъкидланишича, футболчи ҳали унга қизиқиш билдираётган "Реал"га ўтиш-ўтмаслигини ҳал қилмаган.
Конате 2021 йилдан бери "Ливерпуль" шарафини ҳимоя қилмоқда.













