Turkiyada Xalqaro tennis federasiyasi tomonidan ayollar o‘rtasida W15 tasnifiga kiruvchi nufuzli musobaqada hamyurtimiz Milana Maslenkova ishtirok etmoqda.
Milana xalqaro turnirning yakkalik bellashuvlari birinchi davrasida latviyalik Sabine Rutlaukaga qarshi kortga chiqdi. Ushbu uchrashuvda tennischimiz dastlabki setni qiyinchiliksiz 6:1 hisobida o‘z foydasiga hal etgan bo‘lsa, ikkinchi setda tay-brekka qadar o‘yin o‘tkazgan holda zafar quchdi.
Shu tariqa, ikkinchi davraga chiqqan Milana Maslenkova chorak final yo‘llanmasi uchun o‘tadigan navbatdagi uchrashuvda ruminiyalik Gloria Popga qarshi bahs olib boradi.
