"Yuventus" tarkibni kuchaytirish bo‘yicha rejalar tuzmoqda. Turin klubini hujumchi Dushan Vlaxovich tark etishi kutilmoqda, shu bois "keksa sinyora" uning o‘rniga nomzodlarni ko‘rib chiqmoqda.
Tuttosport xabariga ko‘ra, "Yuventus" qishda "Atalanta" vakili Ademola Lukman bilan shartnoma imzolashi mumkin. Turinliklarni nigeriyalikning universalligi, shuningdek, A Seriyada o‘ynash tajribasiga ega ekanligi o‘ziga jalb qilmoqda.
Bu yozda Ademola Lukman "Atalanta"ni tark etishni istadi va hatto ochiq bayonot berib, klubni murosaga kelishni istamagani uchun tanqid qildi. Matbuot futbolchini "Inter" bilan bog‘ladi, ammo u baribir qoldi. Lukman yaqinda mashg‘ulotlarga qaytdi, ammo klub bilan keskin munosabatlar fonida o‘yinlarda ishtirok etish-etmasligi aniq emas.
