"Barselona" vingeri Lamin Yamal asosiy jamoa bilan mashg‘ulotlarni qanday boshlaganini esladi.

Ispaniyalik futbolchi 15 yoshida La Liga o‘yinida debyut qilgan, 16 yoshida esa asosiy tarkibning doimiy o‘yinchisiga aylangan.

"Birinchi mashg‘ulotimda ikki tomonlama o‘yin o‘tkazdik. Jamoam 2:0 hisobida g‘alaba qozondi, men esa gol urdim va Ansu Fatiga golli pas uzatdim. Shunda Xavining yordamchisi va ukasi: "Bu yigit qanday qilib o‘ynamasligi mumkin?" dedi. Lekin unga sabr qilishni maslahat berishdi. Yoshlar jamoasida o‘sishni davom ettirdim, oxir-oqibat asosiy jamoaga o‘tdim," - deya Yamalning so‘zlarini keltiradi BarcaTimes.