Belgiyalik mashhur yarimhimoyachi Radja Nainggolan Skott Maktominayning o‘zi bilan taqqoslanishini ma’qullamasligini tan oldi.
Shotlandiyalik futbolchi "Napoli"dagi debyut mavsumini ajoyib tarzda o‘tkazdi va A Seriyaning o‘tgan mavsumdagi eng yaxshi futbolchisi deb topildi.
"Menga bu o‘xshatish yoqmayapti. Ayni kuchga to‘lgan paytimda men boshqa darajada edim. Maktominay hatto "Manchester Yunayted"ning asosiy tarkibida ham o‘ynamagan, chunki u yaxshi pas bera olmaydi, umuman olganda, texnik jihatdan ham u qadar yaxshi emas. Ammo u o‘z vaqtida Emmanuel Jakkerini kabi Antonio Konte tizimiga juda mos tushadi," - deya 37 yoshli Nainggolan so‘zlarini keltirmoqda Football Italia.













