Белгиялик машҳур яримҳимоячи Раджа Наингголан Скотт Мактоминайнинг ўзи билан таққосланишини маъқулламаслигини тан олди.
Шотландиялик футболчи "Наполи"даги дебют мавсумини ажойиб тарзда ўтказди ва А Сериянинг ўтган мавсумдаги энг яхши футболчиси деб топилди.
"Менга бу ўхшатиш ёқмаяпти. Айни кучга тўлган пайтимда мен бошқа даражада эдим. Мактоминай ҳатто "Манчестер Юнайтед"нинг асосий таркибида ҳам ўйнамаган, чунки у яхши пас бера олмайди, умуман олганда, техник жиҳатдан ҳам у қадар яхши эмас. Аммо у ўз вақтида Эммануэль Жаккерини каби Антонио Конте тизимига жуда мос тушади," - дея 37 ёшли Наингголан сўзларини келтирмоқда Football Italia.
