"Kalyari", "Roma" va Milanning "Inter" klubi sobiq yarim himoyachisi Raja Nainggolan "Napoli"ga yangi kelgan Rasmus Xyoylundning imkoniyatlarini unchalik yuqori baholayotgani yo‘q.

Neapolliklar 22 yoshli forvardni keyinchalik sotib olish sharti bilan "Manchester Yunayted"dan ijaraga oldi.

- Menga Xyoylund yoqmayapti. U yuguruvchi va mehnatkash, lekin dunyoda bunday hujumchilar qancha? Nikola Krstovichga o‘xshagan tirishib ishlaydigan odam gol uradi, lekin darvozaga orqa o‘girib turib, ko‘p narsa qila olmaydi. Menimcha, top-klub forvardi futbol o‘ynay olishi kerak," - deb Nainggolan so‘zlarini keltirmoqda Football Italia.

Rasmus "Manchester Yunayted" safida 95 ta o‘yinda maydonga tushib, 26 ta gol urgan.