“Real Madrid”ning yangi futbolchisi Franko Mastantuono Argentina terma jamoasida nufuzli 10-raqamni egallagani haqida xabar bergan edik.
Ma’lum bo‘lishicha, Mastantuono Argentina terma jamoasi tarixida o‘ninchi raqamni olgan eng yosh futbolchi bo‘ldi.
U 1979 yilda 18 yoshu 9 oyligida 10-raqamni olgan Maradonaning rekordini yangiladi. Mastantuono hozir 18 yoshu 23 kunlik.
Ma’lum bo‘lishicha, terma jamoa ustozi Lionel Skaloni o‘zi buni talab qilgan. Qolaversa, dastlab bu raqam Tyago Almadaga yetishi kerak edi, biroq u mushakdagi jarohat tufayli Ekvadorga qarshi o‘yinda maydonga tusha olmadi.
