"Manchester Yunayted" markaziy himoyachisi Lisandro Martines yangi shartnoma imzolashi mumkin. "Qizil iblislar" rahbariyati yaqin oylarda bir qator futbolchilarning mehnat shartnomalarini uzaytirish bo‘yicha muzokaralar olib bormoqchi. Insayder Fabrisio Romanoning so‘zlariga ko‘ra, ustuvor vazifalardan biri Martines bilan kelishishdir.
Argentinalik futbolchining amaldagi shartnomasi 2027 yilgacha mo‘ljallangan va yana bir mavsumga uzaytirish imkoniyatini o‘z ichiga oladi. Ayni damda 27 yoshli futbolchi xochsimon bog‘lami uzilganidan so‘ng tiklanishda davom etmoqda.
