"Манчестер Юнайтед" марказий ҳимоячиси Лисандро Мартинес янги шартнома имзолаши мумкин. "Қизил иблислар" раҳбарияти яқин ойларда бир қатор футболчиларнинг меҳнат шартномаларини узайтириш бўйича музокаралар олиб бормоқчи. Инсайдер Фабрицио Романонинг сўзларига кўра, устувор вазифалардан бири Мартинес билан келишишдир.
Аргентиналик футболчининг амалдаги шартномаси 2027 йилгача мўлжалланган ва яна бир мавсумга узайтириш имкониятини ўз ичига олади. Айни дамда 27 ёшли футболчи хочсимон боғлами узилганидан сўнг тикланишда давом этмоқда.













