«Manchester Siti» bosh murabbiyi Xosep Gvardiola jamoaning yangi darvozaboni Janluidji Donnarumma yaqinlashib kelayotgan «Manchester Yunayted»ga qarshi derbida asosiy tarkibda maydonga tushish-tushmasligi haqidagi savolga javob berdi.
«Ko‘ramiz. Transfer bozori bizga Jidjini olish imkonini berdi. U 26 yoshda, katta klublar va terma jamoa safida ulkan tajribaga ega. Biz Jidjini Edersonning aynan o‘ziga o‘xshash ishlarni qilish uchun emas, balki uning boshqa sifatlaridan foydalanish uchun oldik», — deya Gvardiolaning so‘zlarini jurnalist Fabrisio Romano keltiradi.
Eslatib o‘tamiz, «Manchester Siti» Donnarummani Yevropa transfer oynasining so‘nggi kunida «PSJ»dan xarid qilgan. Italiyalik darvozabon hali jamoa safida debyut uchrashuvini o‘tkazmadi.
