«Манчестер Сити» бош мураббийи Хосеп Гвардиола жамоанинг янги дарвозабони Жанлуиджи Доннарумма яқинлашиб келаётган «Манчестер Юнайтед»га қарши дербида асосий таркибда майдонга тушиш-тушмаслиги ҳақидаги саволга жавоб берди.
«Кўрамиз. Трансфер бозори бизга Жиджини олиш имконини берди. У 26 ёшда, катта клублар ва терма жамоа сафида улкан тажрибага эга. Биз Жиджини Эдерсоннинг айнан ўзига ўхшаш ишларни қилиш учун эмас, балки унинг бошқа сифатларидан фойдаланиш учун олдик», — дея Гвардиоланинг сўзларини журналист Фабрицио Романо келтиради.
Эслатиб ўтамиз, «Манчестер Сити» Доннаруммани Европа трансфер ойнасининг сўнгги кунида «ПСЖ»дан харид қилган. Италиялик дарвозабон ҳали жамоа сафида дебют учрашувини ўтказмади.
