Dortmundning «Borussiya» klubi ijara asosida jamoada o‘ynayotgan «Chelsi» himoyachisi Aaron Anselminoni o‘z safida qoldirishi mumkin. Bu haqda jurnalist Ekrem Konur xabar bermoqda.

Manbaning ma’lum qilishicha, 20 yoshli argentinalik futbolchining debyuti «asalarilar» rahbariyatini juda ta’sirlantirgan va klub uning transferini to‘liq amalga oshirish imkoniyatini ko‘rib chiqmoqda.

Eslatib o‘tamiz, «Chelsi» Anselminoni «Boka Xuniors» klubidan 16,5 million yevro evaziga sotib olgan edi. Himoyachining londonliklar bilan amaldagi shartnomasi 2031 yilgacha mo‘ljallangan. Transfermarkt ma’lumotlariga ko‘ra, uning bozor qiymati 8 million yevroni tashkil qiladi.