"Manchester Siti" forvardi Erling Xoland sobiq jamoadoshi Kevin de Bryuyne haqida fikr bildirdi.
"Kevin de Bryuyne - "Manchester Siti"ning haqiqiy afsonasi, biz uni har kuni sog‘inamiz, albatta. Menga u yetishmayapti! Bir kun kelib uning o‘rnida men bo‘lishim aniq, chunki futbol abadiy emas. Kevin klubda ajoyib o‘n yil o‘tkazdi, u klub uchun hamma narsani qildi, barcha sovrinlarni qo‘lga kiritdi. Shuning uchun, albatta, u bizga yetishmayapti", - deya Xolandning so‘zlarini keltiradi City Report.
De Bryuyne 2015 yildan 2025 yilgacha "Manchester Siti"da o‘ynagan. Bu vaqt ichida u 422 ta o‘yinda maydonga tushib, 108 ta gol urdi va 177 ta golli uzatmani o‘z hisobiga yozdirib qo‘ydi.













