"Манчестер Сити" форварди Эрлинг Холанд собиқ жамоадоши Кевин де Брюйне ҳақида фикр билдирди.
"Кевин де Брюйне - "Манчестер Сити"нинг ҳақиқий афсонаси, биз уни ҳар куни соғинамиз, албатта. Менга у етишмаяпти! Бир кун келиб унинг ўрнида мен бўлишим аниқ, чунки футбол абадий эмас. Кевин клубда ажойиб ўн йил ўтказди, у клуб учун ҳамма нарсани қилди, барча совринларни қўлга киритди. Шунинг учун, албатта, у бизга етишмаяпти", - дея Холанднинг сўзларини келтиради City Report.
Де Брюйне 2015 йилдан 2025 йилгача "Манчестер Сити"да ўйнаган. Бу вақт ичида у 422 та ўйинда майдонга тушиб, 108 та гол урди ва 177 та голли узатмани ўз ҳисобига ёздириб қўйди.
