Germaniya chempionatida 3-tur o‘yinlari davom etmoqda, "Volfsburg" "Kyoln"ga qarshi bahs olib bordi va durang qayd etdi - 3:3. Klubining uchinchi, so‘nggi golini Maksimilian Arnold o‘z uslubida jarima maydoni tashqarisidan kuchli zarba yo‘llab kiritdi.
Bu uning Bundesligadagi faoliyati davomida jarima maydoni tashqarisidan urgan 22-goli bo‘ldi, bu Germaniya chempionatining bunday batafsil statistik ma’lumotlarni to‘plash davridagi yangi rekordiga aylandi.
Bungacha birinchi o‘rinlar Diyego va Marko Roysga tegishli edi - ular jarima maydoni tashqarisidan 21 tadan gol urishgan.
