Indoneziya poytaxti Jakarta shahri mezbonlik qilgan o‘smirlar va yoshlar o‘rtasida dzyudo bo‘yicha Osiyo chempionati o‘z yakuniga yetdi.
O‘zbekiston yoshlar jamoasi musobaqada 8 ta oltin, 3 ta kumush, 3 ta bronza — jami 14 ta medal bilan umumjamoa hisobida birinchi o‘rinni egalladi.
Janubiy Koreya 3 ta oltin, 2 ta kumush, 3 ta bronza medali bilan ikkinchi o‘rinni band etdi. 2 ta oltin, 1 ta kumush, 3 ta bronza medaliga ega Hindiston jamoasi kuchli uchlikka yakun yasadi.
Medal keltirgan o‘zbekistonlik dzyudochilar:
Oltin medal:
-52 kg: So‘g‘diyona Rafkatova
-60 kg: Samariddin Qo‘chqorov
-66 kg: Dilshodbek Hamroyev
+78 kg: Umida Nig‘matova
-81 kg: Samariddin Muhibiddinov
-90 kg: Alisher Samanov
-100 kg: Muhammadali Zoirov
+100 kg: Fazliddin Rafikov
Kumush medal:
-57 kg: Rayhona Mamatova
-63 kg: Nigina Saparboyeva
-73 kg: Bunyod Safarov
Bronza medal:
-48 kg: Sevinch Murodova
-57 kg: Mohinur Allaberganova
-73 kg: Muhriddin Ma’rufov
