Myunxenning "Bavariya" klubi himoyachisi Rafael Gerreyru qorin mushaklaridan kichik jarohat olib safdan chiqdi. Bu haqda klub rasmiy sayti xabar bermoqda.
Nashrning qayd etishicha, ma’lumot allaqachon tibbiy xizmat tomonidan tasdiqlangan. 31 yoshli portugaliyalik futbolchining tiklanish muddatiga aniqlik kiritilmagan. 17 sentyabr kuni "Bavariya" Yevropa Chempionlar ligasida "Chelsi"ga qarshi maydonga tushadi.
Gerreyru "Bavariya" safida 2023 yildan buyon to‘p tepib kelmoqda. U o‘tgan davr mobaynida 70 ta uchrashuvda qatnashib, 3 ta ogohlantirish oldi, 8 ta gol urdi va 5 ta golli uzatmani amalga oshirdi.
