Мюнхеннинг "Бавария" клуби ҳимоячиси Рафаэль Геррейру қорин мушакларидан кичик жароҳат олиб сафдан чиқди. Бу ҳақда клуб расмий сайти хабар бермоқда.
Нашрнинг қайд этишича, маълумот аллақачон тиббий хизмат томонидан тасдиқланган. 31 ёшли португалиялик футболчининг тикланиш муддатига аниқлик киритилмаган. 17 сентябрь куни "Бавария" Европа Чемпионлар лигасида "Челси"га қарши майдонга тушади.
Геррейру "Бавария" сафида 2023 йилдан буён тўп тепиб келмоқда. У ўтган давр мобайнида 70 та учрашувда қатнашиб, 3 та огоҳлантириш олди, 8 та гол урди ва 5 та голли узатмани амалга оширди.
