Madridning «Real» klubi vingeri Franko Mastantuono Chempionlar ligasi UYEFA umumiy bosqichi 1-turida «Marsel»ga qarshi bahsni 18 yosh 33 kunlik paytida asosiy tarkibdan boshlaydi. Shu tariqa argentinalik futbolchi YECHL doirasida asosiy tarkibdan maydonga tushirilgan «Qirollik klubi» tarixidagi eng yosh futbolchiga aylandi.
Ilgari bu rekord «Real» futbolchisi Endrikka tegishli edi — u 2024 yil noyabr oyida 18 yosh 73 kunlik paytida «qaymoqranglilar» safida asosiy tarkibda maydonga tushgandi.
Mastantuononing klub bilan amaldagi mehnat shartnomasi 2031 yil yoziga qadar mo‘ljallangan. Transfermarkt portali ma’lumotiga ko‘ra, futbolchining bozor qiymati 30 mln yevroni tashkil qiladi.













