Madridning "Real" klubi Chempionlar ligasi umumiy bosqichining dastlabki bahsida "Marsel"dan ustun keldi (2:1).
"Qaymoqranglilar" 72-daqiqada to‘g‘ridan-to‘g‘ri qizil kartochka olgan Daniel Karvaxalning chetlatilishi tufayli o‘yinni bir kishi kam bo‘lib yakunlashdi, ammo o‘yin oxirida g‘alabani ilib ketishdi. Kilian Mbappe dubl qayd etdi - ikkala vaziyatda ham u penaltidan gol urdi. Aynan fransuz UEFA tomonidan uchrashuvning eng yaxshi futbolchisi deb topildi. 26 yoshli forvard darvoza tomon o‘nta zarba yo‘lladi, ulardan beshtasi aniq bo‘ldi.
Mbappe joriy mavsumda beshta o‘yinda oltita gol urdi. Yulduz hujumchi Chempionlar Ligasida gol urish bo‘yicha Tomas Myullerga (57 tadan) yetib oldi, shuningdek, Rud van Nistelroydan o‘zib ketdi.













