Мадриднинг "Реал" клуби Чемпионлар лигаси умумий босқичининг дастлабки баҳсида "Марсель"дан устун келди (2:1).
"Қаймоқранглилар" 72-дақиқада тўғридан-тўғри қизил карточка олган Даниэл Карвахалнинг четлатилиши туфайли ўйинни бир киши кам бўлиб якунлашди, аммо ўйин охирида ғалабани илиб кетишди. Килиан Мбаппе дубль қайд этди - иккала вазиятда ҳам у пенальтидан гол урди. Айнан француз УEФА томонидан учрашувнинг энг яхши футболчиси деб топилди. 26 ёшли форвард дарвоза томон ўнта зарба йўллади, улардан бештаси аниқ бўлди.
Мбаппе жорий мавсумда бешта ўйинда олтита гол урди. Юлдуз ҳужумчи Чемпионлар Лигасида гол уриш бўйича Томас Мюллерга (57 тадан) етиб олди, шунингдек, Руд ван Нистелройдан ўзиб кетди.
