"Liverpul" jamoasi bosh murabbiyi Arne Slot Chempionlar ligasi doirasida "Atletiko"ga qarshi o‘yin arafasida Antuan Grizmann haqidagi taassurotlari bilan o‘rtoqlashdi.
Mutaxassisning so‘zlariga ko‘ra, uning "Feyenoord"dagi faoliyati davomida ispan klubi katta taassurot qoldirgan, Grizmann esa o‘sha paytda maydonda asosiy figuraga aylangan. "Qizillar" ustozi fransuz o‘sha o‘yinda yuqori saviyani namoyish etgani va madridliklarning g‘alabasida hal qiluvchi rol o‘ynaganini ta’kidladi.
"Oxirgi marta "Feyenoord" bosh murabbiyi sifatida "Atletiko"ga qarshi o‘yin o‘tkazganman. Kechasi uyg‘onib, Grizmann o‘sha o‘yinda qanchalik yaxshi o‘ynagani haqida o‘yladim. Biz 3:1 hisobida mag‘lub bo‘lgandik va u ta’sirli bo‘ldi," - dedi murabbiy matbuot anjumanida.
