"Yuventus"ning hujumkor yarim himoyachisi Kenan Yildiz Chempionlar ligasi doirasida Dortmundning "Borussiya"siga (4:4) qarshi o‘yindan so‘ng fikr bildirdi.
20 yoshli turkiyalik futbolchi 63-daqiqada gol urgan bo‘lsa, 67-daqiqada Dushan Vlaxovichga assistentlik qildi.
"Men doim gol urishga harakat qilaman va bugun chiroyli gol urdim, lekin eng muhimi mag‘lubiyatdan qutulib qoldik.
Futbolda hamma narsa bo‘lishi mumkin. Ikkinchi bo‘lim shunchaki aql bovar qilmas tarzda o‘tdi - sakkizta gol.
Durang - biz uchun yaxshi natija", - dedi 87-daqiqada almashtirilgan Yildiz UEFAga bergan intervyusida.
