"Real" Din Xyoysenning qizil kartochkasi bo‘yicha e’tiroz bildirishda davom etadi.

Madridliklar himoyachisi "Real Sosyedad"ga (2:1) qarshi o‘yinning 32-daqiqasida maydon markazida raqibning qarshi hujumi barbod bo‘lishi natijasida qizil kartochka oldi. Uchrashuv bosh hakami Xesus Xil Mansano edi.

Ispaniya Qirollik futbol federasiyasi (RFEF) Tartib-intizom qo‘mitasi kecha "qaymoqranglilar"ning dastlabki apellyasiyasini rad etdi.

Bugun ma’lum bo‘lishicha, RFEF apellyasiya qo‘mitasi futbolchining diskvalifikasiyasi haqidagi qarorni o‘z kuchida qoldirgan. Shu tariqa, 20 yoshli futbolchi 20 sentyabr kuni "Espanyol"ga qarshi o‘yinni o‘tkazib yuboradi.

Biroq, COPE xabariga ko‘ra, madridliklar Xyoysen ishi bo‘yicha yana bir apellyasiya beradi. Ular Ispaniya sport ma’muriy sudiga (TAD) murojaat qilishlari kutilmoqda.