"Manchester Siti" yarim himoyachisi Fil Foden jamoadoshi Erling Xolandning o‘yiniga qoyil qoldi.
Norvegiyalik futbolchi bugun YECHL doirasida "Napoli"ga (2:0) qarshi kechgan o‘yinning 56-daqiqasida inglizning uzatmasidan gol urdi. Bu forvardning turnirdagi 50-goli bo‘ldi - u bu ko‘rsatkichga atigi 49 o‘yinda erishgan holda rekordchiga aylandi.
"Erling barcha rekordlarni yangilaydiganga o‘xshaydi. Shunday yoshida nimalarga erishganiga aql bovar qilmaydi. Agar u shunday o‘ynashda davom etsa, hech kim uning yutuqlaridan o‘zib keta olmaydi, deb o‘ylayman. Ajoyib o‘yinchi, u bizga juda kerak," - dedi Foden TNT Sports bilan suhbatda.













