"Atalanta" muxlislari hujumchi Ademola Lukman asosiy tarkibga qaytganidan keyin unga o‘z munosabatini bildirdi. Bu qarorni jamoa bosh murabbiyi Ivan Yurich futbolchi bilan suhbatlardan so‘ng qabul qildi, deb xabar beradi Football Italia.
Bergamoda "11-raqam qayta tiklandi, lekin biz uchun siz noshukur bo‘lib qolasiz" deb yozilgan banner paydo bo‘ldi.
Lukman o‘tgan mavsum oxiridan beri "Atalanta" jamoasidan alohida shug‘ullanib kelayotgan edi. Futbolchi yozgi transferlar vaqtida jamoani tark etmoqchi bo‘lgandi, ammo "Inter"ning 45 million yevrolik taklifi rad etilgan. Keyinroq nigeriyalik futbolchi voqea yuzasidan qator xabarlar e’lon qilib, klubni tanqid ostiga oldi.
Lukman A Seriya mavsumi boshlanishiga atigi 5 kun qolganida Bergamoga qaytdi va bu uning tarkibdan chetlatilishiga olib keldi. 3 turdan so‘ng uning jamoasi A Seriyada sakkizinchi o‘rinda bormoqda.
