"Barselona" vakillaridan qaysi biri dushanba kuni nufuzli "Oltin to‘p" mukofotini topshirish marosimiga borishi ma’lum bo‘ldi. Kataloniya klubining erkaklar jamoasidan tadbirga Lamin Yamal, Rafinya va Pau Kubarsi boradi. Yilning eng yaxshi murabbiyi sovriniga da’vogarlik qilayotgan Xans-Diter Flik ham Parijga yo‘l oladi.
Lamin Yamal "Oltin to‘p" uchun asosiy da’vogarlardan biri hisoblanadi, ammo baribir favorit sifatida "PSJ" vakili Usmon Dembele tilga olinmoqda. Shunga qaramay, Yamal mukofot olishdan umid qilishi mumkin, chunki jurnalistlarning ovoz berishi ba’zan kutilmagan natijalarni beradi.
AS nashri "Barselona" delegasiyasi tarkibida Pedri yo‘qligiga ishora qilmoqda, ammo u ovoz berishda yuqori o‘rinni egallashi kutilmoqda.
"Barselona"ning yana bir qator vakillari ham Parijga yo‘l olishadi.
