"Барселона" вакилларидан қайси бири душанба куни нуфузли "Олтин тўп" мукофотини топшириш маросимига бориши маълум бўлди. Каталония клубининг эркаклар жамоасидан тадбирга Ламин Ямал, Рафинья ва Пау Кубарси боради. Йилнинг энг яхши мураббийи совринига даъвогарлик қилаётган Ханс-Дитер Флик ҳам Парижга йўл олади.
Ламин Ямал "Олтин тўп" учун асосий даъвогарлардан бири ҳисобланади, аммо барибир фаворит сифатида "ПСЖ" вакили Усмон Дембеле тилга олинмоқда. Шунга қарамай, Ямал мукофот олишдан умид қилиши мумкин, чунки журналистларнинг овоз бериши баъзан кутилмаган натижаларни беради.
AS нашри "Барселона" делегацияси таркибида Педри йўқлигига ишора қилмоқда, аммо у овоз беришда юқори ўринни эгаллаши кутилмоқда.
"Барселона"нинг яна бир қатор вакиллари ҳам Парижга йўл олишади.
