Shanba kuni "An-Nasr" o‘z uyida "Ar-Riyod"ni 5:1 hisobida mag‘lub etdi. Portugaliyalik yulduz futbolchilar Krishtianu Ronaldu va Joau Feliks bahsda dubl qayd etishdi. G‘oliblar safida yana bir gol Kingsli Koman hisobiga yozildi.

Dubldan so‘ng Joau Feliks Saudiya Arabistoni chempionati to‘purarlar poygasida yetakchilikni qo‘lga oldi. Joau hisobida 5 ta gol bor.

Ikkinchi o‘rinda "Al-Halij" vakili Joshua King bormoqda - norvegiyalik futbolchi 4 ta gol urgan. Uchinchi o‘rinni hozirda 3 ta gol urgan bir qator futbolchilar bo‘lishib turibdi. Bunday futbolchilar qatorida Krishtianu Ronaldu ham bor.

Eslatib o‘tamiz, "An-Nasr" Saudiya Arabistoni Pro-ligasining dastlabki uchta o‘yinida umumiy 12:1 hisobida g‘alaba qozongan. "Al-Ittihod" ham uch turda ochko yo‘qotmagan jamoalardan biri.