"Manchester Siti" "Arsenal" bilan safar o‘yinida juda ehtiyotkor taktika tanladi. Xosep Gvardiola jamoasi ko‘p vaqtini himoyada o‘tkazdi, ammo g‘alaba qozonishi ham mumkin edi. "Shaharliklar" to‘qqizinchi daqiqadan Erling Xolandning golidan keyin oldinda borayotgandi, biroq ikkinchi bo‘limga qo‘shib berilgan daqiqalarda Gabriel Martinelli hisobni tenglashtirdi.
"Manchester Siti" o‘yin vaqtining atigi 32,8 foizida to‘pga egalik qildi. Bu Gvardiolaning murabbiylik faoliyatidagi eng yomon ko‘rsatkich, agar top-liga o‘yinlari haqida gapiradigan bo‘lsak. Bu haqda Opta xabar bermoqda.
Avvalroq, "Manchester Siti" 2023 yilning mart oyida ham "Arsenal"ga qarshi o‘yinda eng yomon ko‘rsatkichni qayd etgandi - 36,5 foiz.
Xosep Gvardiola murabbiy sifatida top-ligalarda jami 601 ta o‘yin o‘tkazgan.
